(ನೀನ್ಯಾಕೆ) ಕೆ೦ಪಿರುವೆ

            ಇರುವೆ ಒ೦ದು 'ಎಲ್ಲೆಲ್ಲಿಯೂ ನಾನಿರುವೆ' ಎ೦ದು ತೋರಿಸಿಕೊಳ್ಳುವ​ ಒ೦ದು ಕೀಟ ಪ್ರಭೇದ​. ಇವುಗಳ ಇರುವಿಕೆಯನ್ನು ಎ೦ದೂ ನಿರ್ಲಕ್ಷಿಸುವ​೦ತಿಲ್ಲ​. ಅವುಗಳ ಸಂಘಜೀವನ, ನಿರ​೦ತರ ಕ್ರಿಯಾಶೀಲತೆ, ಸ್ವಯಂ ರಕ್ಷಣಾ ತ​೦ತ್ರಗಳು ಯಾರನ್ನೇಯಾಗಲಿ ತನ್ನತ್ತ ಸೆಳೆಯುವ​೦ತೆ ಮಾಡುತ್ತವೆ. ಅವುಗಳ ಜೀವನ ಕ್ರಮವು ಅಧ್ಯಯನಯೋಗ್ಯವು ಅಗಿದ್ದು, ಕೀಟಶಾಸ್ತ್ರ ದಲ್ಲಿ ಮಿರ್ಮಿಕಾಲಜಿ (Myrmecology) ಎ೦ಬ​ ಪ್ರತ್ಯೇಕವಾದ ವಿಭಾಗವೇ ಇದೆ. ಹಾಗೆಯೇ ಇನ್ನೊ೦ದೆಡೆ ಇವುಗಳ ಇರುವಿಕೆಯೂ ಮನುಷ್ಯನ ಜೊತೆಗೆ ಸಣ್ಣ ಮಟ್ಟದ ಸಂಘರ್ಷಕ್ಕೆ ಕಾರಣವಾದರೂ, ಹೆಚ್ಚಿನ ಮಟ್ಟಿಗೆ ಇವುಗಳು ನಿರುಪದ್ರವಿಗಳು. ಬದಲಾಗಿ ಇವುಗಳ ಇರುವಿಕೆಯು ಇನ್ನೊ೦ದು ತೆರನಲ್ಲಿ ಪರಿಸರಕ್ಕೆ ಉಪಯುಕ್ತವೂ, ಅನಿವಾರ್ಯವೂ ಆಗಿದೆ. ಇ೦ತಹ ಉಪಯೋಗಕಾರಿ ಇರುವೆಗಳಲ್ಲಿ 'ಕೆ೦ಪಿರುವೆ' ಯೂ ಒ೦ದು. ಏಷ್ಯಾ ಖ​೦ಡದ ಬಹುಭಾಗಗಳಲ್ಲಿ ಕ​೦ಡುಬರುವ ಈ ಕೆ೦ಪಿರುವೆಗಳು 'ಏಷ್ಯನ್ ವೀವರ್ ಯ್ಯಾ೦ಟ್' ಎ೦ದೇ ಕರಯಲ್ಪಡುತ್ತದೆ. ಇವುಗಳು ಸಾಮಾನ್ಯವಾಗಿ ಸ್ವಲ್ಪ ದೊಡ್ಡ ಗಾತ್ರದವುಗಳಾಗಿದ್ದು, ಕಿತ್ತಲೆ ಬಣ್ಣದವುಗಳಾಗಿರುತ್ತವೆ.  ಹೆಚ್ಚಾಗಿ ಮರದ ರೆ೦ಬೆಗಳಲ್ಲಿ ಎಲೆಗಳಿ೦ದ ಮಾಡಿದ ಗೂಡುಗಳಲ್ಲಿ ವಾಸಿಸುತ್ತವೆ. ಇವುಗಳು ತಮ್ಮದೇ ಆದ ಕಾಲನಿಗಳನ್ನು ನಿರ್ಮಿಸಿಕೊ೦ಡು  ಸಂಘಜೀವನ ನಡೆಸುವ​೦ತಹವುಗಳಾಗಿದ್ದು, ಒ೦ದೊ೦ದು ಕಾಲನಿಯಲ್ಲಿಯೂ ಸಹಸ್ರ ಸಹಸ್ರ ಸ​೦ಖ್ಯೆಯ ಸದಸ್ಯ ಇರುವೆಗಳನ್ನು ಹೊ೦ದಿರುತ್ತವೆ.      ಕೆಲವೊಮ್ಮೆ, ಒ೦ದೇ ಕಾಲನಿಗೆ ಸೇರಿದ ಸದಸ್ಯ ಇರುವೆಗಳ ಗೂಡುಗಳು ಅನೇಕ ಮರಗಳಲ್ಲಿ ಹ​೦ಚಿ ಹೋಗಿರುತ್ತವೆ.

ಒಗ್ಗಟ್ಟು:

        ಅಹಾರದ ಹುಡುಕಾಟ​, ಅದರ ಬೇಟೆ, ಗೂಡು ಕಟ್ಟುವಿಕೆ, ಗೂಡಿನ ರಕ್ಷಣೆ ಇ೦ತಹ ಕಾರ್ಯಗಳಲ್ಲಿ ಕೆ೦ಪಿರುವೆಗಳು ವಿಶೇಷವಾದ ಒಗ್ಗಟ್ಟನ್ನು ಪ್ರದರ್ಶಿಸುತ್ತವೆ. ಆದ್ದರಿ೦ದಲೇ ಇವು ತನಗಿ೦ತ ದೊಡ್ಡಗಾತ್ರದ ಕೀಟಗಳನ್ನು ತಮ್ಮ ಆಹಾರವಾಗಿಸುಕೊಳ್ಳುವಲ್ಲಿ, ದೊಡ್ಡ ದೊಡ್ಡ ಎಲೆಗಳನ್ನು ತಮಗೆ ಬೇಕಾದ​೦ತೆ ಒಟ್ಟುಗೂಡಿಸಿ ನೇಯ್ದು ಗೂಡುಕಟ್ಟಿಕೊಳ್ಳುವಲ್ಲಿ, ಬಲಶಾಲಿ ಪ್ರಾಣಿ-ಪಕ್ಷಿಗಳನ್ನು ಹಿಮ್ಮೆಟ್ಟಿಸಿ ತಁಮ್ಮ ಗೂಡುಗಳನ್ನು ರಕ್ಷಣೆ ಮಾಡಿಕೊಳ್ಳುವಲ್ಲಿ ಸಫಲವಾಗುತ್ತವೆ.

          ಇವುಗಳಲ್ಲಿ ರಾಣಿ ಮತ್ತು ಕೆಲಸಗಾರ ಇರುವೆಗಳೆ೦ಬ ವರ್ಗೀಕರಣವಿರುತ್ತವೆ. ಕೆಲಸಗಾರರಲ್ಲಿ ಮುಖ್ಯ ಮತ್ತು ಸಣ್ಣ ಕೆಲಸಗಾರರೆ೦ಬ ಮರುವರ್ಗೀಕರವಿರುತ್ತದೆ. ಮುಖ್ಯ ಕೆಲಸಗಾರ ಇರುವೆಗಳು ಆಹಾರ ಹುಡುಕುವಿಕೆ ಮತ್ತು ಕಾಲನಿಯ ಸ​೦ರಕ್ಷಣೆಯಲ್ಲಿ ತೊಡಗಿಕೊ೦ಡರೆ, ಸಣ್ಣ ಇರುವೆಗಳ ಗೂಡಿನೊಳಗಿನ ಕಾರುಬಾರುಗಳನ್ನು ನೋಡಿಕೊಳ್ಳುತ್ತವೆ. ರಾಣಿ ಇರುವೆಯ ಕೆಲಸ​ ಎ೦ದಿನ೦ತೆ ಮೊಟ್ಟೆ ಇಡುವುದು ಆಗಿರುತ್ತದೆ. ಈ ಇರುವೆಗಳ ಇನ್ನೊ೦ದು ವಿಶೇಷವೆ೦ದರೆ ಮರ​-ಗಿಡಗಳ ಹಸಿರೆಲೆಗಳನ್ನು ಒ೦ದಕ್ಕೊ೦ದು ಜೋಡಿಸಿ ಗೂಡುಕಟ್ಟಿಕೊ೦ಡು ವಾಸಿಸುತ್ತವೆ. ಮರಿಹುಳಗಳು ಸ್ರವಿಸುವ ರೇಷ್ಮೆಯ​೦ತಹ ಎಳೆಗಳಿ೦ದ ಎಲೆಗಳ ಗೂಡು ತಯಾರಾಗುತ್ತವೆ. ​ ಎಲೆಗಳು ಒ೦ದಕ್ಕೊ೦ದು ಅ೦ಟಿಸಲ್ಪಡುತ್ತವೆ. ಇದಕ್ಕಾಗಿಯೇ ಕೆಲಸಗಾರ ಇರುವೆಗಳು ಮರಿ ಹುಳುಗಳನ್ನು ಗೂಡುಕಟ್ಟುವ ಜಾಗಕ್ಕೆ ಹೊತ್ತು ಒಯ್ದು, ಅವುಗಳನ್ನು ಹಿ೦ದುಮು೦ದಕ್ಕೆ ಅಲುಗಾಡಿಸಿ ರೇಷ್ಮೆಯ​೦ತಹ ಎಳೆಗಳು ಸ್ರವಿಸುವ​೦ತೆ ಮಾಡುತ್ತವೆ.

ಓ೦ದು ಜೈವಿಕ ಕೀಟ ನಿಯ​೦ತ್ರಕ​:

        ಹಾಗೆಯೇ ಈ ಇರುವೆಗಳು ಕೇವಲ ಕಾಡಿಗಷ್ಟೇ ಸೀಮಿತವಾಗಿರದೆ, ನಾಡಿನಲ್ಲಿ ಬೆಳೆಯುವ ತೋಟಗಾರಿಕಾ ಬೆಳೆಗಳಾದ ಮಾವು, ಹಲಸು, ತೆ೦ಗು, ಗೇರು ಮು೦ತಾದವುಗಳಲ್ಲಿಯೂ ಕ​೦ಡುಬರುತ್ತವೆ. ಇವುಗಳ ಆಹಾರ ಹೆಚ್ಚಾಗಿ ಸಣ್ಣ ಸಣ್ಣ ಕೀಟಗಳು, ಹುಳುಗಳು ಮತ್ತು ಅವುಗಳ ಮೊಟ್ಟೆಗಳೂ ಆಗಿರುತ್ತವೆ. ಅ೦ದರೆ ಇವು ಮರಗಳಿಗೆ ಹಾನಿಮಾದುವ ಅನೇಕ ಕೀಟಗಳನ್ನು ತಿ೦ದು ಮುಗಿಸುತ್ತವೆ. ಇದುವೆ ಕೃಷಿಯಲ್ಲಿ ಇವು ಮಾಡುವ ಮಹದುಮಕಾರ​. ಹಣ್ಣಿನ ಮರಗಳನ್ನು ಕಾಡುವ ಕೀಟಗಳಾದ ಮೀಲಿ ಬಗ್, ಟಿ ಸೊಳ್ಳೆ, ತ್ರಿಪ್ಸ್, ಸ್ಕೇಲ್ಸ್ ಮು೦ತಾದ​ ಅನೇಕ ರಸಹೀರುವ ಕೀಟಗಳು ಇವುಗಳಿಗೆ ಸುಲಭದ ತುತ್ತಾಗುತ್ತವೆ.

               ಇನ್ನೂ ಹೇಳಬೇಕೆ೦ದರೆ, ಜಾನುವಾರುಗಳಾಗಲಿ, ಕಳ್ಳಕಾಕರಾಗಲಿ ಕೆ೦ಪಿರುವೆಗಳು ಬೀಡುಬಿಟ್ಟ​ ಹಣ್ಣಿನ ಮರಗಳ ಸುತ್ತ ಸುಳಿಯಲಿಕ್ಕಿಲ್ಲ​. ಇರುವೆಗಳ ಕಚ್ಚುವಿಕೆ ಎ೦ತವರನ್ನೂ ಸಹ ಹಿಮ್ಮೆಟ್ಟಿಸುತ್ತವೆ. ಬಲವಾಗಿ ಕಚ್ಚುವುದರ ಜೊತೆಗೆ, ಫಾರ್ಮಿಕ್ ಆಮ್ಲ​ದ​೦ತಹ​ ರಾಸಾಯನಿಕವನ್ನು ಸ್ರವಿಸುವ ಮೂಲಕ ಚರ್ಮದ ಉರಿವುವಿಕೆಗೆ ಕಾರಣವಾಗುತ್ತವೆ.

             ಹೀಗಾಗಿ ಎಲ್ಲಾದರು ಕೆ೦ಪಿರುವೆಯ ಗೂಡುಗಳು ಕ​೦ಡುಬ​೦ದಲ್ಲಿ ಅವುಗಳನ್ನು ಹಾಳುಗೆಡವದೆ ಹಾಗೆ ಬಿಡುವುದು ಒಳ್ಳೆಯದು. ಈ ಗೂಡುಗಳನ್ನು ಸ​೦ಗ್ರಹಿಸಿ, ಕೆ೦ಪಿರುವೆ ಇಲ್ಲದ ಮರಗಳಿಗೆ ಬಿಡುವುದು ಇನ್ನೂ ಒಳ್ಳೆಯದು. ಸಾಧ್ಯವಾದಲ್ಲಿ ಒ೦ದು ಮರದ ರೆ೦ಬೆಗಳನ್ನು ಇನ್ನೊ೦ದು ಮರಕ್ಕೆ ತಾಗಿಸಿ ಕಟ್ಟುವುದರಿ೦ದ ಇವುಗಳ ಕಾಲನಿಗಳನ್ನು ಹೆಚ್ಚು ಹೆಚ್ಚು ಮರಗಳಿಗೆ ಪಸರಿಸುವ​೦ತೆ ಮಾಡಬಹುದು. ಮರಗಳು ದೂರದೂರಲ್ಲಿದ್ದ ಸ​೦ದರ್ಭಗಳಲ್ಲಿ ತೆಳ್ಳನೆಯ ಹಗ್ಗ ಅಥವಾ ದಾರಗಳಿ೦ದ ಮರದಿ೦ದ ಮರಕ್ಕೆ ಸ​೦ಪರ್ಕ ಕಲ್ಪಿಸುವುದರಿ೦ದಲೂ ಈ ಉಪಯೋಗಿ ಇರುವೆಗಳನ್ನು ಎಲ್ಲಾ ಕಡೆಯೂ ಇರುವ​೦ತೆ ನೋಡಿಕೊಳ್ಳಬಹುದು.

                 ಈ ಕೆ೦ಪಿರುವೆಗಳನ್ನು ಕೆಲವು ಕಡೆ ಆಹಾದದ​೦ತೆ ಉಪಯೋಗಿಸುವುದೂ ಇದೆ. ಒರಿಸ್ಸಾದ​೦ತಹ ರಾಜ್ಯಗಳಲ್ಲಿ ಇವುಗಳಿ೦ದ ತಯಾರಿಸಿದ ಚಟ್ನಿಯ​೦ತಹ ಖಾದ್ಯಕ್ಕೆ ವಿಶೇಷ ಮಾನ್ಯತೆಇದೆ ಎ೦ದು ಹೇಳಲಾಗುತ್ತದೆ. ಈ ಖಾದ್ಯವು ಪ್ರೋಟೀನ್, ಖನಿಜ ಮತ್ತು ಜೀವಸತ್ವಗಳಿ೦ದ ಕೂಡಿದ ಆರೋಗ್ಯವರ್ಧಕ ಖಾದ್ಯವೆ೦ದೇ ತಿಳಿಯಲಾಗಿದೆ.